01                          藏水沬                      許嘉勇

臺灣的熱人，正經是熱甲予人叫毋敢，榖雨風透過， 就開始大勢熱矣，人若踮佇外口，定定攏會感覺誠齷齪。 阮阿母講伊這个人上驚熱，便若到熱天時，伊不三時都想 欲守踮冷氣房內底納涼。啊若阮囡仔人，熱人上向望的就 是會用得去沐水囉！

講著沐水，老師捌講阮國校出業進前，泅水愛有才調 通過十五米的檢定。一年仔開始，阮阿爸歇熱攏有????????我去 學泅水，這馬我已經略仔會曉泅囉！往過我攏毋敢共頭浸 落去水裡，毋過自從我毋驚水了後，見若去到游泳池，我 就隨共頭栽入去。因為我對水裡的世界誠好玄，想欲知影 彼內底到底是生做啥物款。

我印象上深的是頂改阮去澎湖七美藏水沬，彼擺tú-tshian 阮母仔伊人無方便，所致伊無落水。伊共我鬥穿 彼軀沬水的衫，穿好勢了後，一直呵咾講實在誠古錐。不 而過彼領沬水的衫絚擋擋，拄穿的時，我規身軀予伊繃甲 強欲袂喘氣，無疑悟一下落水，我規个人講攏浮起來囉！ 佳哉阿爸佇下跤共我掠咧，若無，我會驚甲半小死！ 我驚我萬不二若沉落去海裡，會去鑿著海膽。

頂一改 阮去小琉球，有看著彼海膽烏mah-mah、軟sô-sô 閣黏thih-thih，足癩 的。好得佳哉，這遍完全無看著！這幫阮 有看著海星、海參，閣有足濟款細尾魚仔。救生員閣提一 塊sio̍ k-pháng 予阮去飼魚仔，我若裂一片仔囝擲落去，規 大陣的魚仔隨泅過來相爭食。 除了魚仔以外，阮嘛有看著足濟珊瑚的。彼珊瑚有幾 若種，五花十色，逐種都足媠的，活跳跳，有影會喘氣呢！

阿爸捌共阮講過，講珊瑚死去了後的石頭會當用來起厝， 毋但佇澎湖的社里誠四常，咱臺灣誠濟倚海的所在，到今 嘛攏猶看會著這種用「硓????石」起的厝宅。 這逝去澎湖七美藏水沬，雖然坐船愛坐足久的，毋過 有影誠好耍。我共阮阿母講，後一遍伊袂用得閣阿婆仔閬 港囉！都合若有拄好，定著愛佮阮做陣落來去海裡藏水沬， 欣賞海裡的好景緻。

02                          菜瓜豆簽好滋味                  陳美虹

       菜園仔的棚仔跤，我問阿公一條一條掛佇棚仔頂的敢 是菜瓜？阿公講：「嘿啊！恁阿母誠愛食的菜瓜啦！」 阿公講阿母讀國小的時陣，有一擺佮阿媽激氣使性地 就無食暗頓，八點外腹肚ku-lu-ku-lu，叫甲大腸告小腸， 拄好阿公聽著就問伊腹肚會枵袂？阿母仝款一支喙仔懊嘟 嘟，共阿公應講：「袂枵啦！」才講煞爾爾，腹肚顛倒吼閣 較大聲。阿公笑笑仔講：「我煮一碗菜瓜豆簽予你食啦！」 阿母講佇伊的印象當中，阿公毋捌煮過一擺正頓，灶跤代 攏是阿媽一个人咧扞，就知影阿公偌爾仔疼阿母。

無偌久 一碗燒燙燙、芳貢貢的菜瓜豆簽就囥佇阿母的冊桌仔頂， 阿公隨去無閒其他的代誌。捌聽阿母講過，彼是伊食過上 好食的菜瓜豆簽。 阿公講煞，我隨應講：「阿公，我共你講喔！阿母真正 足愛食菜瓜的呢！伊講菜瓜若有摻蝦卑仔，伊干焦攪菜瓜 湯就會當推兩碗飯喔！」我紲落去講：「阿公，你教我煮菜 瓜豆簽，好無？我想欲學起來，另日仔阿母若咧受氣的時 陣，我就會當煮予伊食。」阿母佇邊仔笑講我實在是honnh……。

 阮佇菜園仔割幾條仔菜瓜、薅幾欉仔蔥仔佮幾粒仔蒜 頭，就坐發財仔車轉去。車佇門口埕停好勢，阿公叫我順 紲去????????仔店共婆祖買兩包豆簽。為著欲予我學習，阿媽干 焦共菜瓜剾予便，蔥仔、蒜仔洗好囥邊仔，其他的就予我 家己來。 阿公講菜瓜愛先切一箍一箍，才閣對半切，紲落來蔥 仔量約仔切一橛一橛、蒜頭撼予破。共食材攢好了後，鼎 燃予熱，落油才閣煏蒜頭、蝦卑仔佮蔥仔白來芡芳，紲落 去菜瓜落鼎搜搜、抐抐咧，摻一寡仔水落去翕。聽候水滾， 共豆簽佮賰的的蔥仔摻落去，水若閣滾就會當共火關掉， 按呢好看閣好食的菜瓜豆簽就煮好囉！

阿母那食那共我呵咾，講我第一擺煮就煮甲遮爾好食， 真正有夠????????！我講因為有一个誠厲害的總舖師佇邊仔咧牽 教。阿公佇邊仔笑甲喙仔裂獅獅，講我真有煮食的天份， 問我後擺有欲讀餐飲科無。Hmh！看起來我嘛會使共煮食 這項興趣當做後擺讀冊的選擇喔！

 1 陳美虹(hông)